Астанада жас шахматшылар сайысады
Астанада классикалық шахматтан рапида мен блиц бойынша Қазақстанның балалар чемпионаты басталды. Чемпионатқа 400-ге тарта жас гроссмейстерлер қатысуда. Олар беделді халықаралық чемпионатта еліміздің намысын қорғайды. Бұл туралы astana.kz сайтына республикалық шахмат Федерациясынан мәлім етті.
Турнир ұлдар мен қыздар арасында бөлек-бөлек: 8,10,12,14,16 және 18 алты жас санаты бойынша өтеді.
Жеңімпаздар осы жылдың жазында Біріккен Араб Әмірлігінде өтетін шахматтан балалар арасындағы әлем чемпионатында Қазақстанның намысын қолғау құқына ие болады. Екінщі орын алған балалар жастар арасында өтетін Азия Чемпионатына жолдама алады.
«Шахматтан Қазақстанның балалар чемпионаты дәстүрлі турнир болып табылады. Ол еліміз тәуелсіздік алғаннан бері жыл сайын өткізіліп келеді. Кейінгі үш жылда чемпионат тұрақты түрде елордада ұйымдастырылуда», - деді astana.kz сайтына Шахмат федерациясынан.
Мамандардың айтуынша, бұл турнир жас таланттарды тәрбиелейтін нағыз ұстаханаға айналды. Жастар чемпионатының мектебінен Гүлісхан Нахбаева, Гүлмира Дәулетова, Динара Сәдуақасова, Мәдина Дәулетбаева, Жансая Әбдімәлік сияқты шахматшы қыздар өтті.
Еске салайық, олардың барлығы Астанада 2-сі мен 12-ші наурыз аралығында өткен әлем чемпионатында тамаша өнер көрсетті.
Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://109.astana.kz
